Marian College വേദിയിൽ വിദ്യാർത്ഥികളുമായി രാഹുൽ ഗാന്ധിയുടെ തുറന്ന സംവാദം

ഇടുക്കിയിലെ Marian College-ൽ നടന്ന പ്രത്യേക പരിപാടിയിൽ ലോക്‌സഭയിലെ പ്രതിപക്ഷ നേതാവ് രാഹുൽ ഗാന്ധി വിദ്യാർത്ഥികളുമായി തുറന്ന സംവാദം നടത്തി. വിദ്യാർത്ഥികൾ വിവിധ വിഷയങ്ങളിൽ ചോദിച്ച ചോദ്യങ്ങൾക്ക് അദ്ദേഹം വിശദമായ മറുപടികളാണ് നൽകിയതും യുവജനങ്ങൾക്ക് സമൂഹത്തെയും രാജ്യത്തെയും കുറിച്ച് ഉത്തരവാദിത്വത്തോടെ ചിന്തിക്കേണ്ടതിന്റെ ആവശ്യകതയെക്കുറിച്ചും സംസാരിച്ചു.

ഇതാ ആ സംവാദത്തിലെ പ്രധാന ചോദ്യങ്ങളും മറുപടികളും:

അഭിമുഖം

ചോദ്യം 1: കേരളത്തെയും കേരളത്തിലെ ജനങ്ങളെയും കുറിച്ചുള്ള നിങ്ങളുടെ അഭിപ്രായം എന്താണ്?

രാഹുൽ ഗാന്ധി:
കേരളത്തിൽ ഞാൻ കണ്ട ഏറ്റവും വലിയ പ്രത്യേകത ആളുകളുടെ സഹകരണ മനോഭാവമാണ്. ഒരു ദുരന്തം സംഭവിച്ചപ്പോൾ പോലും, സ്വന്തം കുടുംബത്തെ നഷ്ടപ്പെട്ട ആളുകൾ മറ്റുള്ളവരെ സഹായിക്കാൻ മുന്നോട്ട് വന്നത് ഞാൻ കണ്ടിട്ടുണ്ട്. മതം, ജാതി, സമ്പത്ത് ഒന്നും നോക്കാതെ ഒരുമിച്ച് പ്രവർത്തിക്കുന്ന മനോഭാവമാണ് കേരളത്തിന്റെ ശക്തി.

ചോദ്യം 2: കേരളത്തിലെ യുവജനങ്ങൾ ഇന്ത്യയുടെ ഭാവിയിൽ എന്ത് പങ്ക് വഹിക്കണം?

രാഹുൽ ഗാന്ധി:
കേരളത്തിലെ യുവജനങ്ങൾ രാജ്യത്തിന് വലിയ സംഭാവന നൽകുന്നവരാണ്. ലോകത്തിന്റെ പല രാജ്യങ്ങളിലും കേരളത്തിലെ ആളുകൾ മികച്ച സേവനം നൽകുന്നവരാണ്. ആരോഗ്യരംഗത്തും വിദ്യാഭ്യാസരംഗത്തും കേരളക്കാർ മികച്ച പേര് നേടിയിട്ടുണ്ട്

ചോദ്യം 3: യുവജനങ്ങൾ സ്വന്തം കരിയർ തിരഞ്ഞെടുക്കുമ്പോൾ എന്താണ് പ്രധാനമായി ശ്രദ്ധിക്കേണ്ടത്?

രാഹുൽ ഗാന്ധി:
സമൂഹം പലപ്പോഴും എല്ലാവരും ഡോക്ടറോ എഞ്ചിനീയറോ ആകണം എന്ന് പറയാറുണ്ട്. എന്നാൽ ഓരോ വ്യക്തിക്കും വ്യത്യസ്ത കഴിവുകളും താൽപര്യങ്ങളും ഉണ്ട്. നിങ്ങൾക്ക് ഇഷ്ടമുള്ള കാര്യമാണ് നിങ്ങൾക്ക് ഏറ്റവും മികച്ച രീതിയിൽ ചെയ്യാൻ കഴിയുക. അതിനാൽ നിങ്ങളുടെ താൽപര്യം പിന്തുടരുക

ചോദ്യം 4: ഭാഷ ഒരു തടസ്സമാണോ?

രാഹുൽ ഗാന്ധി:
യഥാർത്ഥ ആശയവിനിമയം ഭാഷയ്ക്ക് പുറത്താണ് നടക്കുന്നത്. മനുഷ്യരുടെ വികാരങ്ങളും ബന്ധങ്ങളും ആണ് ഏറ്റവും പ്രധാനപ്പെട്ടത്. നിങ്ങൾ മറ്റൊരാളുമായി ബന്ധപ്പെടുന്ന രീതിയാണ് ആശയവിനിമയത്തിന്റെ യഥാർത്ഥ ശക്തി.

ചോദ്യം 5: രാഷ്ട്രീയത്തിൽ യുവജനങ്ങൾ എത്തുന്നത് എത്രത്തോളം ബുദ്ധിമുട്ടുള്ളതാണ്?

രാഹുൽ ഗാന്ധി:
രാഷ്ട്രീയം വളരെ ബുദ്ധിമുട്ടുള്ള മേഖലയാണ്. നിങ്ങൾ സത്യസന്ധമായി രാഷ്ട്രീയത്തിൽ പ്രവർത്തിക്കണമെങ്കിൽ പല ബുദ്ധിമുട്ടുകളും നേരിടേണ്ടിവരും. എന്നാൽ സമൂഹത്തിനും മൂല്യങ്ങൾക്കും വേണ്ടി പ്രവർത്തിക്കാൻ ആഗ്രഹിക്കുന്നവർക്ക് അത് വലിയ അർത്ഥമുള്ള കാര്യമാണ്.

ചോദ്യം 6: രാഷ്ട്രീയ പ്രവർത്തനം എന്നത് തിരഞ്ഞെടുക്കപ്പെട്ട നേതാക്കളിലേക്കു മാത്രം പരിമിതമാണോ?

രാഹുൽ ഗാന്ധി:
അല്ല. സമൂഹത്തിൽ നടക്കുന്ന അനീതിക്കെതിരെ പ്രതികരിക്കുന്നത് തന്നെ ഒരു രാഷ്ട്രീയ പ്രവർത്തനമാണ്. ഒരാളെ അന്യായമായി ആക്രമിക്കുന്നത് കണ്ടാൽ അതിനെതിരെ നിലകൊള്ളുന്നത് രാഷ്ട്രീയ ബോധത്തിന്റെ ഭാഗമാണ്.

ചോദ്യം 7: സിനിമയും മാധ്യമങ്ങളും രാഷ്ട്രീയ പ്രചാരണത്തിനായി ഉപയോഗിക്കപ്പെടുന്നുണ്ടോ?

രാഹുൽ ഗാന്ധി:
ഇന്ന് സിനിമയും മാധ്യമങ്ങളും ചിലപ്പോൾ സമൂഹത്തിൽ വിഭജനം സൃഷ്ടിക്കാൻ ഉപയോഗിക്കപ്പെടുന്നുണ്ട്. ചില ആശയങ്ങൾ പ്രചരിപ്പിക്കാൻ വലിയ സാമ്പത്തികശക്തിയും ഉപയോഗിക്കപ്പെടുന്നു. ഇത് രാജ്യത്തിന് ദോഷകരമായ പ്രവണതയാണ്.

ചോദ്യം 8: വിദ്യാഭ്യാസ സംവിധാനത്തിൽ മാറ്റങ്ങൾ വേണമെന്നുണ്ടോ?

രാഹുൽ ഗാന്ധി:
വിദ്യാഭ്യാസ സംവിധാനം തുറന്ന ചിന്തയ്ക്ക് അവസരം നൽകണം. ഒരേയൊരു ആശയധാര മാത്രം വിദ്യാർത്ഥികളിൽ അടിച്ചേൽപ്പിക്കുന്നത് ശരിയല്ല. വിവിധ ആശയങ്ങളും ചരിത്രവും പഠിക്കാൻ അവസരം ഉണ്ടായിരിക്കണം.

ചോദ്യം 9: ഇന്ത്യയുടെ സാങ്കേതിക വികസനത്തെക്കുറിച്ച് നിങ്ങൾ എന്താണ് പറയുന്നത്?

രാഹുൽ ഗാന്ധി:
ഇന്ത്യയ്ക്ക് വലിയ ഡാറ്റാ വിഭവമുണ്ട്. 1.4 ബില്യൺ ആളുകളുടെ ഡാറ്റ ഒരു വലിയ സമ്പത്താണ്. എന്നാൽ ഈ ഡാറ്റയുടെ നിയന്ത്രണം ഇന്ത്യയ്ക്കുണ്ടാകണം. അതുപോലെ നിർമ്മാണ മേഖലയിൽ കൂടുതൽ ശ്രദ്ധ നൽകേണ്ടതുണ്ട്.

ചോദ്യം 10: ലോക രാഷ്ട്രീയത്തിലെ സംഘർഷങ്ങൾ ഇന്ത്യയെ എങ്ങനെ ബാധിക്കും?

രാഹുൽ ഗാന്ധി:
മിഡിൽ ഈസ്റ്റിലെ സംഘർഷങ്ങൾ ഇന്ത്യയെ സാമ്പത്തികമായി ബാധിക്കും. ഇന്ത്യയുടെ എണ്ണ ഇറക്കുമതി വലിയ തോതിൽ ആ പ്രദേശത്തുനിന്നാണ് വരുന്നത്. അതിനാൽ ഇത്തരത്തിലുള്ള സംഘർഷങ്ങൾ വിലക്കയറ്റത്തിനും സാമ്പത്തിക പ്രശ്നങ്ങൾക്കും കാരണമാകും.

ചോദ്യം 11: ഇന്ത്യയുടെ ശക്തി എന്താണ്?

രാഹുൽ ഗാന്ധി:
ഇന്ത്യയുടെ ശക്തി വൈവിധ്യമാണ്. വിവിധ മതങ്ങളും ഭാഷകളും സംസ്കാരങ്ങളും ഉള്ള ആളുകൾ ഒരുമിച്ച് ജീവിക്കുന്ന രാജ്യമാണ് ഇന്ത്യ. ഈ ഐക്യം സംരക്ഷിക്കുന്നത് വളരെ പ്രധാനമാണ്.

ചോദ്യം 12: നിങ്ങളുടെ വ്യക്തിപരമായ ഹോബികൾ എന്തൊക്കെയാണ്?

രാഹുൽ ഗാന്ധി:
എനിക്ക് വായന വളരെ ഇഷ്ടമാണ്. ഒരു വിഷയത്തിൽ താൽപര്യം തോന്നിയാൽ അതുമായി ബന്ധപ്പെട്ട നിരവധി പുസ്തകങ്ങൾ ഞാൻ വായിക്കും. കൂടാതെ ചെസ് കളിക്കുക, മാർഷ്യൽ ആർട്സ് പരിശീലിക്കുക, നീന്തൽ, ഓട്ടം തുടങ്ങിയവയും ഞാൻ ചെയ്യാറുണ്ട്.

ചോദ്യം 13: യുവജനങ്ങൾക്ക് നൽകുന്ന നിങ്ങളുടെ സന്ദേശം എന്താണ്?

രാഹുൽ ഗാന്ധി:
നിങ്ങൾ എല്ലാവരും ഇന്ത്യയുടെ ഭാവിയാണ്. വ്യക്തിപരമായ വിജയത്തിനൊപ്പം രാജ്യത്തെയും സമൂഹത്തെയും കുറിച്ച് ചിന്തിക്കണം. തുറന്ന മനസ്സോടെ മറ്റു ആശയങ്ങളും സംസ്കാരങ്ങളും മനസ്സിലാക്കാൻ ശ്രമിക്കുക. അതാണ് നല്ല സമൂഹത്തിന്റെ അടിസ്ഥാനം